Qazaqstannyń halyq jazýshysy, Memlekettik syılyqtyń laýreaty birneshe jyldan beri shetelde turatyn Muhtar Maǵaýın «Jarmaq» romanyn neshe kúnde jazǵanyn aıtty, dep habarlaıdy Egemen.kz.
«Halyq úni» ıýtýb arnasynyń tilshisine suhbat bergen jazýshy qazirgi jospary jaıynda oı bólisti. Túrkııa qonys aýdaryp Kemerde turyp jatqan jazýshy «Jarmaq» romanyn eki aptadan asa ýaqytta jazǵanyn aıtty. «2006 jyldan beri elden jyraq júrmin. «Jarmaq» romanyn 18 kúnde jazyp aıaqtadym da bir kún demalyp alyp, taǵy bir kúnde terip shyqtym» dedi jazýshy. Halyq jazýshysy Chehııada, AQSh-ta turdy. Túrkııaǵa túbegeıli qonys aýdarǵanymen de AQSh-qa jıi baryp turatynyn, ol jaqta nemereleri oqıtynyn aıtty.