Elena Rybakına Brısben (Aýstralııa) WTA 500 týrnıriniń fınalyna shyqty. Jarystyń 2-raketkasy bolyp tirkelgen tennısshi jartylaı fınalda dúnıejúzilik reıtıngte 40-orynda turǵan 19 jastaǵy chehııalyq Lında Noskovamen sheberlik baıqasty, dep habarlaıdy Egemen.kz.
Osyǵan deıin qos tennısshi byltyr Fransııa ashyq chempıonatynda kezdesip, onda Elena 6:3 esebimen jeńgen edi.
Bul joly birinshi partııany Qazaqstan sportshysy qarqyndy bastady — 3:0. Sol basymdylyǵynan set bitkenshe aıyrylǵan joq — 6:3.
Ekinshi sette esep 1:1 bolǵan mezette Rybakına breıkpen alǵa shyqty. Sodan keıin taǵy bir breık jasap, matchty jeńispen túıindedi — 6:2.
Elena Rybakına fınalda qos belorýssııalyq, álemniń 2-raketkasy Arına Sobolenko nemese reıtıngte 23-satydaǵy Vıktorııa Azarenkonyń bireýimen bas júldeni sarapqa salady.