Memleket basshysy Qasym-Jomart Toqaevtyń «Egemen Qazaqstan» gazetindegi suhbatynda elimizdiń búgini men bolashaǵyna qatysty kóptegen másele qamtylypty.
El tizginin Qasym-Jomart Kemeluly alǵannan beri jańarýǵa baǵyt alǵan memlekette ómir súrip jatqanymyzdy bárimiz sezinemiz. Ras, ázirshe jańa Qazaqstandy, ádiletti Qazaqstandy quryp tastadyq dep keýdemizdi qaǵa almaspyz. Biraq baǵytymyz aıqyn, maqsatymyz bıik, sol jolǵa túskenimiz anyq. Prezıdent aıtyp otyrǵandaı, «...Osy maqsatqa jetý úshin biz bir el bolyp, bilek sybana jumys isteýimiz kerek».
Prezıdent Qasiretti qańtarǵa qatysty suraqtarǵa da ádettegideı týra jaýap berip, qaskóılerdiń memlekettik tóńkeris jasamaq bolǵanyn ashyq aıtyp otyr. Bul rette suraq ta oryndy, jaýap ta salmaqty shyqqan. О́ıtkeni áli kúnge deıin aramyzda beıbit sherý edi, bılik nege qarý qoldandy deıtinder bar. Olarǵa meniń aıtarym, qaıdaǵy beıbit sherý?
Eger Prezıdentimiz qalyptasqan ahýaldy durys baǵalap, tyǵyryqqa tirelgen eldi, beıbit halyqty qorǵaýdyń pármendi sharalaryn qabyldap, jedel júzege asyrmaǵanda aldyn ala jan-jaqty oılastyrylǵan, muzdaı qarýlanǵan sodyrlardyń soıqany nege ákelip soqtyratynyn boljaýdyń ózi qıyn edi. Bile bilsek, Memleket basshysynyń tabandylyǵynyń, erik-jigeriniń, batyl is-qımyldarynyń arqasynda ǵana aman qaldyq. Aqıqaty sol, el basyna kún týǵanda, Qasym-Jomart Toqaev búkil jaýapkershilikti moınyna alyp, batyl qımyldap, óziniń naǵyz kóshbasshy ekenin dáleldedi.
Sońǵy otyz jylda bárimiz aýyzben oraq oryp, jumaqta ómir súrip jatqandaı áserde boldyq. Qazaqstan baılyǵynyń jartysy sanaýly adamnyń qolyna ótip ketkenin endi bilip jatyrmyz. Prezıdent halyqtan eshteńeni jasyryp otyrǵan joq, ár sózinde eldegi jaǵdaıdyń kúrdeli ekenin dáttep, onyń bárin birligimizben, uıymshyldyǵymyzben, eldegi tynyshtyqty saqtaı otyryp qana retke keltire alatynymyzdy, jyldar boıy qordalanǵan máselelerdiń bir kúnde, bir aıda, tipti bir jylda sheshile qalmaıtynyn aıtyp otyr.
Suhbattan túıgen taǵy bir oı – qazir úlken ózgeris kezeńindemiz. Maqsatymyz – halyq sózine qulaq asatyn memleket qurý. О́rkenıet jolyn tańdadyq. Prezıdent, Parlament, Úkimet ádiletti qoǵam ornatýǵa, monopolııalardy joıýǵa, saıası transformasııa jasaýǵa, elimizdiń ekonomıkalyq damýyn jedeldetýge kúsh salyp jatyr. Osy isterden qoǵamnyń árbir múshesi shet qalmaýǵa tıis. «Baıandy bolashaqqa da birge qadam basýymyz qajet. Biz ótkendi ańsaýmen ómir súrmeýimiz kerek. Kerisinshe, keleshegimizdi kemel etýge umtylyp, ulttyń ulylyǵyn naqty ispen dáleldeýge tıispiz. Dúnıetanymymyzǵa jat mádenıetterge kózsiz elikteýden, jalǵan patrıotızmnen, dańǵoılyq pen daraqylyqtan saqtanýymyz kerek. Halqymyzdyń boıyndaǵy kemshilikterge kóz juma qaramaı, odan arylýymyz qajet. Munyń bári kún saıyn qubylǵan turlaýsyz zamanda ómir súrip jatqan Qazaqstannyń keleshegi úshin aıryqsha mańyzdy», deıdi Prezıdent.
Qasym-Jomart Kemelulynyń jalpyulttyq qundylyqtar, sapaly ult qalyptastyrý joldary týraly aıtqan oılaryn da qoldaımyn. Rasynda da, eńbekqorlyq, bilimpazdyq, kásibılik, birlik, yntymaq, janashyrlyq, iskerlik, bastamashyldyq, adaldyq, qarapaıymdylyq jáne únemshildik qana bizdi tabysqa jeteleıdi.
Bárimiz de eldiń bolashaǵyn oılaımyz. Elimiz aman, jurtymyz tynysh bolsa eken deımiz. Ol úshin bizge eń bastysy birlik kerek.
Jarasbaı SÚLEIMENOV,
Soltústik Qazaqstan oblystyq Qoǵamdyq keńes tóraǵasy