Jelide 15 qańtar kúni Almaty qalasynda joıqyn jer silkinisi bolady degen aqparat tarap jatyr. Seısmologtar bul málimettiń eshqandaı ǵylymı negizi joq ekenin aıtty, dep jazady Egemen.kz»
TJM seısmologııalyq baqylaý jáne zertteý ulttyq ǵylymı ortalyǵy dırektorynyń orynbasary Nursársen О́zbekov blogerlerdiń málimeti jalǵan ekenin jarııalady.
«Byltyr da 2023 jylǵa arnalǵan boljamdyq komıssııanyń qorytyndysyn shyǵardyq, oǵan sáıkes magnıtýdasy 5,5 jáne odan joǵary bolatyn joıqyn jer silkinisi boljanbady. О́zderińiz kýá boldyńyz, bul boljam rastaldy. Qazir áleýmettik jelilerde 15 qańtarda Almatyda bolýy múmkin joıqyn jer silkinisi týraly aqparat tarap jatyr. Blogerlerdiń mundaı boljamǵa qalaı kelgeni belgisiz, óıtkeni olarda qandaı da bir boljam jasaýǵa arnaıy tehnıka men tehnologııa joq. Biz olardyń málimdemesin negizsiz dep sanaımyz. Habarlamaǵa nazar aýdarýdyń qajeti joq. Dúrbeleńge negiz joq», dedi N.О́zbekov.