Bul kúnderi Indonezııanyń Jakarta qalasynda nysana kózdeýden Azııa chempıonaty ótip jatyr. 18 qańtarda túńligi túsiriletin qurlyq alamanynda Parıj jazǵy Olımpıadasynyń lısenzııasy beriledi, dep habarlaıdy Egemen.kz Týrızm jáne sport mınıstrliginiń baspasóz qyzmetine silteme jasap.
«Elimizidń áıelder quramasy vıntovkamen 50 metir qashyqtyqtan 3 pozısııada kózep atýda kúmis medal oljalady. Aleksandra Le, Elızaveta Bezrýkova men Arına Altýhova baq synady. Olardyń nətıjesi 1754 upaı. Úndistan quramasy (1760 ball) top jarsa, úzdik úshtikti Ońtústik Koreıa túıindedi. Osy baǵdarlamada bizdiń mergender arasynda eń kóp upaı jınaǵan (589 upaı) Aleksandra 7-orynǵa turaqtap, ulttyq quramaǵa Parıj oıyndarynyń joldamasyn syılady. Sondaı-aq Nıkıta Chırıýkın jyldam oq atatyn tapanshamen 25 metrden nysana kózdeýde Olımpıada lısenzııasyna ıe bolǵan», dep jazylǵan aqparatta.
Qazir ulttyq qurama enshisinde 5 joldama bar. Olardy Islam Satpaev, Arına Altýhova, Konstantın Malınovskıı, Aleksandra Le men Nıkıta Chırıýkın ıelendi.