Abaı oblysynda 17 jolaýshysy bar avtobýs jyraǵa túsip ketti, dep habarlaıdy Egemen.kz aqparat agenttigi.
Oqıǵa Úrjar aýdanynda, Maqanshy aýylynan 35 shaqyrym jerde bolǵan. Oqıǵaǵa qatty soqqan jel sebep bolýy múmkin ekenin málimdedi Abaı oblystyq polısııa departamenti.
- Jolaýshylar avtobýsynyń 31 jastaǵy júrgizýshisi róldi basqara almaıh qalǵan, saldarynan 17 jolaýshysy bar avtobýs jyraǵa túsip ketken. Avtobýs Qabanbaı batyr aýylynan Almatyǵa baǵyt alǵan. Jol-kólik oqıǵasy saldarynan eki adam aýrýhanaǵa tústi, - dedi polısııa qyzmetkerleri.
Polıseılerdiń aıtýynsha, qazir avtobýsty jyradan kóterý sharalary júrgizilip jatyr. Tıisti saraptamalar taǵaıyndaldy, onyń qorytyndysy boıynsha prosestik sheshim qabyldanady.