Túrkistan oblysynyń polıseıleri bopsalaý qylmysyna qatysy bar azamatty «izin sýytpaı» ustady. Kúdikti buǵan deıin tonaý men zańsyz qarý saqtaý faktileri boıynsha sottalǵany anyqtaldy, dep habarlaıdy Egemen.kz Polisia.kz-ke silteme jasap.
«Oblystyq polısııa departamentiniń uıymdasqan qylmysqa qarsy kúres basqarmasynyń qyzmetkerleri Shymkent – Samara tas joly boıynda qomaqty aqsha bopsalap, avtokólikti zańsyz ıemdengen kúdiktini ustady. Kúdikti buǵan deıin tonaý men zańsyz qarý saqtaǵany úshin sottalǵan Túrkistan qalasynyń 28 jastaǵy turǵyny. Ol qurylys jumystarymen aınalysatyn tanysynan 1 mıllıon teńge kóleminde aqsha bopsalap, onyń BMW avtokóligin zańsyz ıemdengeni anyqtaldy. Qazirgi ýaqytta polıseıler QR QK-niń 194-baby (Qorqytyp alý) faktisi boıynsha sotqa deıingi tergeý amaldaryn júrgizip, kúdikti qamaýǵa alyndy», delingen aqparatta.
Kúdiktiniń basqa da qylmysqa qatysy bar-joǵy anyqtalyp jatyr.