Pavlodar oblysynda azamattardyń 25 mln teńgesin jymqyrǵan alaıaqtardyń qylmystyq toby ustaldy, dep habarlaıdy Egemen.kz Polisia.kz-ke silteme jasap.
«Qylmystyq top uzaq ýaqyt boıy Aqsý qalasynyń turǵyndarynyń, onyń ishinde Aqsý ferroqorytpa zaýytynyń qyzmetkerleriniń túrli kómek kórsetý syltaýymen senimine kirip, úlken kólemdegi qarajatty ıemdengen. Qylmystyq toptyń quramynda Aqsýdyń eki turǵyny boldy. Ustaý sharalaryn Pavlodar oblysy prokýratýrasynyń úılestirýimen oblystyq polısııa vedomstvosynyń uıymdasqan qylmysqa qarsy kúres basqarmasynyń jedel qyzmetkerleri júrgizdi. – Ustalǵan azamattar alaıaqtyqtyń 6 faktisine qatysy bar degen kúdikke ilinip otyr. Shyǵyn kólemi 25 mln teńgeden asady. Sondaı-aq kúdiktilerdiń Pavlodar oblysynyń aýmaǵynda bolǵan basqa da qylmysqa qatysy bar-joǵy tekseriledi. Alaıaqtyq faktisi boıynsha sotqa deıingi tergeý júrgizilip jatyr. Kúdiktiler Aqsý qalalyq PB ÝUI-ǵa qamaýǵa alyndy, – dedi oblystyq PD UQQKB bastyǵynyń mindetin atqarýshy Dıas Qadyrov», delingen aqparatta.
Qazaqstan Respýblıkasy Konstıtýsııasynyń 77-baby 3-tarmaǵynyń 1-tarmaqshasyna, Qazaqstan Respýblıkasy qylmystyq-prosessýaldyq kodeksiniń 19-baby 1-bóligine sáıkes adam óziniń kinási sottyń zańdy kúshine engen úkimimen tanylǵanǵa deıin qylmys jasaǵany úshin kinásiz dep sanalady.