Astanada Qorǵanys mınıstri general-polkovnık Rýslan Jaqsylyqov Qazaqstan fýtbol federasııasynyń prezıdenti Ádilet Barmenqulovpen kezdesti, dep habarlaıdy Egemen.kz vedomstvonyń baspasóz qyzmetine silteme jasap.
Qorǵanys vedomstvosynyń basshysy birlestik prezıdentine federasııa mamandarynyń kásibı keńesi men Almatydaǵy Ortalyq sport klýbynyń fýtbol alańyn qaıta qalpyna keltirýge járdemdeskeni úshin alǵysyn bildirdi. Atqarylǵan jumystardan keıin sport nysany halyqaralyq deńgeıdegi matchtyq kezdesýlerdi ótkizýge múmkindik beretin FIFA men ÝEFA standarttaryna tolyq sáıkes keledi.
Kezdesýde OSK fýtbol ınfraqurylymyn odan ári damytý máseleleri talqylandy. Áskerı qyzmetshilerdiń balalary men jetim balalarǵa arnalǵan fýtbol akademııasyn uıymdastyrý, áskerge shaqyrylýǵa jatatyn 18-27 jas aralyǵyndaǵy jastar arasynda fýtboldy tanymal etý týraly áńgime boldy. Taraptar otandyq armııa sportyn damytýǵa ózara qyzyǵýshylyq tanytty.