О́skemen qalasynda jábirlenýshini bopsalap qomaqty qarjy talap etken kúdikti ustaldy, dep habarlaıdy Egemen.kz Polisia.kz-ke silteme jasap.
«О́skemende polısııa qyzmetkerleri bopsalaýshyny ustady. 26 jastaǵy áıeldi jedel ýákilder aqsha alý kezinde qolǵa túsirdi. Kúdikti jeke málimetterdi jarııalamaý úshin 6 mln teńge talap etken. Ońaı oljaǵa kenelmek bolǵan ol somanyń bir bóligin alý kezinde ustaldy. Qazir atalǵan faktige qatysty sotqa deıingi tergeý júrgizilip jatyr», delingen aqparatta.
Jeńil jolmen baıýdy kózdegen kúdikti ýaqytsha ustaý ızolıatoryna qamaldy.