Premer-mınıstr Álıhan Smaıylovtyń tóraǵalyǵymen Ekonomıkany jańǵyrtý máseleleri jónindegi memlekettik komıssııanyń otyrysy ótti, dep habarlaıdy Egemen.kz Úkimettiń baspasóz qyzmetine silteme jasap.
Jekeshelendirýdiń 2021-2025 jyldarǵa arnalǵan keshendi josparyn júzege asyrýdyń, ónerkásip pen taý-ken metallýrgııa keshenin jáne geologııalyq barlaýdy damytýdyń, sondaı-aq «Qazaqtelekom» AQ mobıldi operatorlarynyń birin básekelestik ortaǵa berýdiń ózekti máseleleri qaraldy.
Ortalyq memlekettik organdar, «Samuryq-Qazyna», «Qazaqtelekom», «Taý-Ken Samuryq» kompanııalary basshylarynyń qatysýymen ótken talqylaý qorytyndysy boıynsha Memlekettik komıssııa birqatar tıisti sheshimder qabyldady.