Sınoptıkter aldaǵy úsh kúnge arnalǵan aýa raıy boljamyn jarııalady. «Qazgıdromet» RMK 23-25 qańtar aralyǵynda Qazaqstan terrıtorııasynda aıazdy aýa raıy bolatynyn málimdedi, dep jazady Egemen.kz.
«Aldaǵy úsh kúnde respýblıkanyń búkil Batys jartysyna Batys antısıklony yqpal etedi. Saldarynan jaýyn-shashyn, qarsyz aıazdy aýa raıy bolady. Al eldiń qalǵan aımaqtaryna ońtústik sıklon jáne onymen baılanysty atmosferalyq frontaldy bólimder áser etedi. Bul sıklon yqpalyna sáıkes jańbyr men qar aralas jaýyn-shashyn jaýady, kóktaıǵaq, tuman túsip, borandy jel kúsheıedi.
Túnde eldiń batysynda aýa temperatýrasy 22-30 gradýs aıazǵa deıin, soltústik-batysta 20-30 aıaz, soltústikte, ortalyqta jáne shyǵysta 7-18 aıaz bolady. Ońtústikte aýa temperatýrasy kúndiz +5, túnde - 5 gradýsty kórsetse, ońtústik-shyǵysta 0-10 gradýs aıaz kúsheıedi», delingen «Qazgıdromet» RMK habarlamasynda.