Premer-mınıstr Álıhan Smaıylovtyń tóraǵalyǵymen ótken Úkimet otyrysynda kún tártibinen tys Almatydaǵy jer silkinisi boıynsha ahýal qaraldy, dep habarlaıdy Egemen.kz Úkimettiń baspasóz qyzmetine silteme jasap.
Tótenshe jaǵdaılar mınıstri Syrym Sháriphanov 23 qańtar saǵat 00:09-da Almatydan 264 shaqyrym jerde Qyrǵyzstan men Qytaı shekarasynda jer silkinisi bolǵanyn málimdedi. Nátıjesinde Almatyda 5 ball, Shymkentte 2 ball, Jambyl oblysynda 2-3 ball jáne Jetisý oblysynda 4 ball bolyp sezilgen birqatar seısmıkalyq fakti tirkeldi. Aldyn ala málimetter boıynsha ǵımarattar men qurylystar qıraǵan joq.
TJM-de dereý respýblıkalyq jedel shtab qurylyp, osyndaı shtabtar aýmaqtyq deńgeıde jumys istedi. TJM psıhologtaryn tarta otyryp, «jedel jeli» telefondary uıymdastyryldy.
О́ńirlerdi azamattyq qorǵaýdyń memlekettik júıesiniń kúshteri men quraldary joǵary daıyndyqta jumys istedi, komandalyq-shtabtyq mashınalar ornalastyryldy, qutqarý bólimsheleriniń toptary jáne halyqty habardar etý júıesi – tolyq daıyndyqta.
Seısmıkalyq boljaý komıssııasy Almaty aýmaǵynda kúshti jáne joıqyn jer silkinisteri kútilmeıtinin aıtty. Osyǵan baılanysty TJM óńirlerdiń turǵyndarynan qorqynyshqa boı aldyrmaı, tek resmı aqparat kózderine senýdi suraıdy.
Premer-mınıstr TJM-nen ákimdikke jáne basqa da memlekettik organdarǵa deıingi barlyq qyzmet bolǵan jaǵdaıǵa den qoıǵanyn atap ótti.
«Qaza tapqandar joq, aýqymdy zııan kelmedi. Alaıda zardap shekkender bar. Ýaqtyly aqparat almaǵan adamdar naqty áreketsiz dúrbeleńge jol berdi. Olar 2, 3 qabattardan sekirgen kezde zardap shekti. Bul eskertý júıelerin ýaqtyly qosyp, halyqqa múmkindiginshe erterek aqparat berip, habarlamalar jiberý qajet ekenin kórsetti», dedi Álıhan Smaıylov.
Premer-mınıstr barlyq seısmıkalyq qaýipti óńirde jattyǵýlar jıi ótkizilýi kerek ekenin atap ótti.
«Halyq is-qımyl algorıtmin bilýi kerek», dedi Úkimet basshysy.
Úkimet basshysy óńirlerdiń ákimdikterine múddeli memlekettik organdarmen birlesip, osyndaı TJ-ny joıý jónindegi is-qımyl josparlaryn túzetýdi tapsyrdy.
«Jaqyn arada jedel den qoıý úshin basqarý organdary men azamattyq qorǵaý kúshteri basshylary men jaýapty tulǵalarynyń basqarý beketterindegi kezekshiligi engizilsin. Bul tirshilikti qamtamasyz etetin barlyq uıymǵa qatysty», dedi Álıhan Smaıylov.
Ol sondaı-aq zardap shekkenderdi emdeý úshin barlyq sharany qabyldaý qajettigin atap ótti.
«TJM qyzmetteri jaǵdaıdy turaqty baqylaýda ustaýy tıis. Barlyq tıisti qyzmet arasynda, sonyń ishinde jer silkinisteri oshaqtary ornalasqan kórshi memlekettermen naqty ózara is-qımyl jasaý kerek», dep túıindedi Premer-mınıstr.