Almaty qalasy Tótenshe jaǵdaılar departamentiniń basshysy Nurlan Atyǵaev jer silkinisi saldarynan úıler qırap nemese zaqymdanyp qalsa qala turǵyndaryna qaıda júginýge bolatynyn aıtty, dep habarlaıdy Egemen.kz.
«Barlyq turǵyn úı nysandary tekseristen ótedi. Turǵyndar bizge jedel jeli arqyly (8 727 278 20 83; 8 727 278 20 84) aqparat jibere alady. Biz bárin tekseremiz. Naqty qaı ýaqytta tekseretinimizdi aıta almaımyn, múmkin búgin, erteń nemese arǵy kúni bolýy múmkin», dep jaýap berdi spıker brıfıngte.
Qańtardyń 22-nen 23-ine qaraǵan túni almatylyqtar qatty jer silkinisin sezindi. Jerasty dúmpýleri birneshe mınýtqa sozyldy. Qala turǵyndary úılerin asyǵys tastap ketti.
Keıin Tótenshe jaǵdaılar qyzmeti budan ári kúshti jerasty dúmpýleri boljanbaǵanyn habarlady. Bul týraly seısmolog ta aıtty.
Sondaı-aq qalanyń ár aýdanynda jedel járdem qabyldaý pýnktteri ashyldy. Tańerteń jer silkinisi saldarynan 44 adamnyń zardap shekkeni belgili boldy.