Almatyda jeńil kólik pen jolaýshylar avtobýsy soqtyǵysty. Oqys oqıǵa saldarynan bir adam qaza tapty, dep jazady Egemen.kz.
Almaty qalalyq polısııa departamenti jol apaty 27 qańtar tańǵy saǵat 09:00-de Alataý aýdanynda bolǵanyn málim etti.
Chevrolet avtokóliginiń júrgizýshisi, 2003 jyly týǵan azamat I. Emsov kóshesimen soltústik baǵytta kele jatyp, kólik tizginine ıe bola almaı, qarsy baǵytqa shyǵyp ketip, avtobýsqa soqtyǵysqan.
«Oqıǵa saldarynan jeńil mashına júrgizýshisi oqıǵa ornynda kóz jumdy. Avtobýstyń tórt jolaýshysy medısınalyq kómekke júgindi», dep habarlady Almaty qalalyq polısııa departamentiniń baspasóz qyzmeti.
Oqıǵa boıynsha Qylmystyq is qozǵalyp, tergeý bastaldy. Tıisti saraptamalar taǵaıyndaldy.