Qytaılyq dárigerler 7 baldyq jer silkinisi kezinde óz mindetterin toqtatpaǵan. Shyńjań avtonomııalyq aýdanyndaǵy «Aral» aýrýhanasynda aq halattylar naýqastyń bas súıegin ashyp, mıyna hırýrgııalyq ota jasap jatqanda jer silkinisi bolǵan, dep jazady Egemen.kz 24kz-ke silteme jasap.
Dárigerlerdiń úreıge boı aldyrmaı operasııany jalǵastyrǵan sáti bólmedegi beınebaqylaý kamerasyna túsken. Aýrýhanany terbegen dúmpý kezinde jasalǵan kúrdeli ota sátti aıaqtalyp, naýqastyń beti beri qaraǵan.
Aıta keteıik, Qytaı terrıtorııasynda búginge deıin oqtyn-oqtyn jer silkinisi bolyp jatyr. Al 7 baldyq jer silkinisinen 5 adam jaraqat alyp, 3 adam kóz jumǵan.