Seısmıkalyq stansalar jelisi 30 qańtar tańǵy ýaqytta Almatyda eki ret jer silkinisin tirkedi, dep habarlaıdy Egemen.kz.
Birinshi jer silkinisi saǵat 03:03 kezinde boldy. Jer dúmpýiniń oshaǵy Almaty qalasynan ońtústik-shyǵysqa qaraı 278 shaqyrym jerde, Qytaı aýmaǵynda ornalasqan. Aftershok. Energetıkalyq sanaty − 10.5. MPV magnıtýdasy − 4.5. Tereńdigi − 10 shaqyrym. Almatyda sezilgen joq.
Al ekinshi jer silkinisi almtylyqtarǵa 2 ball kóleminde sezildi. Ol saǵat 04:27-de Almatydan ońtústik-shyǵysqa qaraı 293 shaqyrym jerde, Qytaı aýmaǵynda tirkeldi. Energetıkalyq sanaty − 13.3. MPV magnıtýdasy − 5.8. Tereńdigi − 10 shaqyrym.