Abaı oblysynda polıseıler mas júrgizýshini toqtatý úshin tabeldik qarý qoldandy, dep habarlaıdy Egemen.kz Abaı oblystyq polısııa departamentiniń baspasóz qyzmetine silteme jasap.
Naqty aıtqanda, 28 qańtarda túnde Semeı qalasynyń mańyndaǵy Novo-Bajenovo aýylynda patrýldik rota ınspektorlary jol talǵamaıtyn kólikti birden baıqaǵan. Sebebi, onyń júrgizýshisi tártip saqshylaryn kórgende jyldamdyqty arttyrǵany kúdik týǵyzady.
О́ıtkeni, kúmándi júrgizýshi polıseılerdiń zańdy talaptaryna baǵynbaı, eldi mekenmen qashyp, tótenshe jaǵdaı týǵyzǵan. Kúdikti júrgizýshini ustaý úshin polıseıler aýaǵa eskertý oq atyp, sodan keıin mashınanyń dóńgelekterin de qoldanystan shyǵarýǵa týra kelgen.
Teksere kele, toqtatylǵan «Mitsubishi Pajero» júrgizýshisi «ortasha» esirtkilik jáne alkgoldik mas kúıinde eúrgeni anyqtaldy.
Osy ýaqytta apat týdyrǵan kólik aıyppul turaǵyna qoıyldy. Júrgizýshi polısııa qyzmetkeriniń kólik quralyn toqtatý týraly zańdy talaptaryn oryndamaǵany úshin, sondaı-aq kólik quralyn esirtkilik jáne alkogoldik mas kúıinde basqarǵany úshin jaýapqa tartyldy.