Eńbek jáne halyqty áleýmettik qorǵaý mınıstrligi ótken jyldyń qazan aıynda kásibı merekeler tizimine tolyqtyrý engizdi. Tizimge jańadan qosylǵan kásibı merekeniń biri - 1 aqpan azamattyq avıasııa qyzmetkerleri kúni, dep jazady Egemen.kz.
Kásibı merekeni belgileý usynysyn «Qazaqstannyń azamattyq avıasııasy soǵys jáne eńbek ardagerleriniń birlesken keńesi» ázirlegen. Usynys Kólik mınıstrligi tarapynan qoldaý taýyp, Eńbek jáne halyqty áleýmettik qorǵaý mınıstrligi resmı bekitken.
«Kásibı mereke azamattyq avıasııa salasyndaǵy is-sharalarǵa erekshe mán berip, memlekettiń jas ushqyshtarynyń patrıottyq rýhyn damytýǵa yqpal etedi», delingen Azamattyq avıasııa komıtetiniń habarlamasynda.
Aıta keteıik, sala qyzmetkerleri kásibı merekelerin bıyl alǵash ret atap ótedi.