QR Oqý-aǵartý mınıstrligi ata-analardyń ótinishi boıynsha bilim berý uıymdaryna qabyldaý qaǵıdalaryna ózgeris engizilgenin habarlady, dep jazady Egemen.kz.
Eger buryn birinshi synypqa qujat qabyldaý merzimi sáýirdiń 1-nen tamyzdyń 1-ne deıin júzege asyrylsa, endi balanyń ata-anasy nemese ózge de zańdy ókilderi qujattardy sáýirdiń 1-i men tamyzdyń 31-i aralyǵynda ótkize alady.
Demalys kezinde ǵana mektepten mektepke aýysýǵa shekteý alyndy. Osylaısha, jańa erejelerge sáıkes, balalardy turǵylyqty jeri boıynsha oqý jyly ishinde mektepten mektepke aýystyrý múmkindigi bar.
«Tehnıkalyq jáne kásiptik bilim berý uıymdaryna qabyldaý kezeńi tamyzdyń 25-i aıaqtalýyna baılanysty bilim alýshylardyń ótinishterin onynshy synypqa qabyldaý merzimi tamyzdyń 15-nen tamyzdyń 31-ne ózgertildi. Kolledjge qabyldanbaǵan bilim alýshylar mekteptiń 10-11 synyptarynda oqýyn kedergisiz jalǵastyra alady», delingen vedomstvo habarlamasynda.