Sybaılas jemqorlyqqa qarsy is-qımyl agenttigi Memleket basshysynyń tapsyrmasyn oryndaý barysynda Shymkent qalalyq turǵyn úı basqaramasyna tekserý júrgizdi. Tekserý barysynda basqarma basshysynyń mindetin atqarýshy seısmıkalyq qaýipsizdikti qamtamasyz etýge bólingen bıýdjet qarajatyn jymqyrǵany belgili boldy, dep jazady Egemen.kz.
Basqarma basshysynyń m.a. qarjy jymqyrý áreketin aldyn ala bir top adammen sóz baılasý arqyly júzege asyrǵan. Qazirgi tańda sotqa deıingi tergeý júrgizilip jatyr.
«Ol qalanyń 216 turǵyn úıiniń seısmıkalyq turaqtylyǵyn tehnologııalyq tekserý jumysyn oryndaýǵa bólingen asa iri mólsherdegi qarjyny bir top adammen aldyn ala sóz baılasý arqyly jymqyrdy dep aıyptalyp otyr», delingen Shymkent qalasy boıynsha sybaılas jemqorlyqqa qarsy is-qımyl departamentiniń aqparatynda.
Sheneýnikter keltirgen zalaldyń boljamdy somasy - 120 mılııon teńge.
Sybaılas jemqorlyqqa qarsy qyzmet agenttigi sheneýnik Qazyǵurt aýylyndaǵy monsha keshenin salý arqyly jymqyrylǵan qarajatty zańdastyrdy degen nusqa tekseriletinin málimdedi. Aıta ketsek, atalmysh monsha kesheni kúdiktiniń anasyna rásimdelgen.
Kúdikti Shymkent qalasy polısııasynyń ýaqytsha ızolıatoryna qamaýǵa alyndy.