Úkimettiń keńeıtilgen otyrysynda Qasym-Jomart Toqaev Salyq júıesin tolyq sıfrlandyrý qajet ekenin aıtty. Prezıdenttiń paıymynsha, bul sala sıfrlyq tásilderdi, ásirese jasandy ıntellektini qoldaný jaǵynan eń aldyńǵy shepte bolýǵa tıis. Bul týraly Aqordanyń baspasóz qyzmeti jazdy, dep habarlaıdy Egemen.kz.
Qasym-Jomart Kemelulynyń aıtýynsha, Memlekettik kirister komıtetinde 2000-2014 jyldary iske qosylǵan 14 aqparattyq júıe bar. Olardyń kóbi keńinen qoldanylmaıdy. 2021 jyly bul júıelerdiń bári halyqaralyq qarjy uıymdarynyń qoldaýymen 12 jyl boıy jasalǵan jańa júıelermen almastyrylýy kerek edi. Biraq qarajat ıgerilgenine qaramastan, esh nátıje joq.
«Vedomstvonyń barlyq aqparattyq júıesine táýelsiz IT-aýdıt júrgizýdi tapsyramyn. Jańa Salyq kodeksin ázirleýmen qatar Memlekettik kirister komıtetiniń jańa aqparattyq arhıtektýrasyn qalyptastyrý qajet», dedi Prezıdent.
Sondaı-aq Memleket basshysy salyq jáne bıýdjet salasyna túbegeıli reforma qajet ekenin aıtty.
«Jalpy, salyq jáne bıýdjet salasyna túbegeıli reforma qajet. Sonyń arqasynda memleket pen bıznestiń arasynda jańa qoǵamdyq shart jasalmaq. Osylaısha, ulttyq tabysty ádil bólýdiń parasatty joly qalyptasady. Bul – Úkimettiń aldynda turǵan negizgi basymdyq», dedi Qasym-Jomart Toqaev.