7 aqpanda Túrkistan qalasyndaǵy jaldamaly páterlerdiń birinen eki jas balanyń denesi tabyldy, dep habarlaıdy Egemen.kz.
Bul týraly Túrkistan oblysy polısııa departamentiniń basshysy Murat Qabdenov habarlady. Onyń aıtýynsha, balalardyń anasy qurbysyna telefon soǵyp, eki balasy ólip jatqan páterdiń meken-jaıyn aıtqan.
- Qazirgi ýaqytta bolǵan oqıǵanyń barlyq mán-jaıyn anyqtaý jáne balalardyń qaıtys bolǵany men olardyń meken-jaıy týraly qurbysyna habarlaǵan ananyń, ıaǵnı Qyzylorda oblysy turǵynynyń ornalasqan jerin anyqtaý maqsatynda qajetti jedel-tergeý sharalary júrgizilýde”,-deıdi Qabdenov.
Oqıǵaǵa qatysty qylmystyq is qozǵaldy. О́limniń sebebin anyqtaý úshin balalardyń denesi saraptamaǵa jiberilgen.