Aýa raıynyń ózgerýine, atap aıtqanda boran men jeldiń kúsheıýine baılanysty Astana qalasynyń Tótenshe jaǵdaılar departamenti elorda turǵyndary men qonaqtaryna qaladan tys jerlerge barýdan bas tartýdy jáne qyraǵy bolýdy, aýa-raıynyń ózgerýi jáne engizilgen shekteýler týraly aqparatty qadaǵalaýdy súraıdy, dep habarlaıdy Egemen.kz.
«Qazgıdromet» RMK málimeti boıynsha, Astana qalasynda 9 aqpanda boran, kóktaıǵaq, ońtústik-batys, batystan jel 15-20 m/s, ekpini 23-28 m/s, 8 aqpan keshke, túnde jáne 9 aqpanda tańerteń 30 m/s jáne odan da kóp bolady dep kútilýde.
8 aqpan saǵat 18.00-degi jaǵdaı boıynsha ekpindi jelge baılanysty, tómengi boran, kórinýdi shekteý kólik quraldarynyń barlyq túrleri úshin Astana qalasynan barlyq baǵyttar boıynsha respýblıkalyq mańyzy bar avtojoldarda qozǵalys jabyldy.
«Elorda turǵyndary men qonaqtarynan joldarda abaı bolýdy, qaýipsizdik erejelerin saqtaýdy, daýyldy eskertý bolǵan jaǵdaıda alys saparlardan bas tartýdy suraımyz.
Tótenshe jaǵdaı týyndaǵan kezde «112» telefonyna habarlasyńyz», delingen habarlamada.