Elde túıini tarqamaǵan túıtkilder kúrdelene túskende, kúıbeń tirliktiń qamy qajytqanda adam ózgelerden meıirim kútedi. Qoǵamda osy izgilikti tý etip júrgen jandar – volonterler. Búginde elimizde eriktilikti ıgi isine aınaldyryp júrgen 200 myńnan asa otandasymyz bar. Olardyń basym bóligi – jastar.
Ajar Abıtaeva Ál-Farabı atyndaǵy Qazaq ulttyq ýnıversıtetinde «Shyǵystaný» mamandyǵy boıynsha 2-kýrsta oqıdy. Mektep kezinen eriktilikti serik etken boıjetken stýdenttik shaqta da jaqsylyq jasap júr. Alǵash aýyl mektepterindegi balalarǵa aǵylshyn tilin úıretýden bastaǵan ol qazir «Sóıle» tildesý klýbynyń úılestirýshisi.
– 2020 jyly pandemııa ýaqytynda «Bala Dausy» medıa jobasynyń negizin qaladym. Bastamanyń maqsaty – bala quqyǵy týraly aqparatty taratý, medıa eriktilerdi daıyndaý. Bul joba búginde respýblıka aýmaǵyndaǵy Nazarbaev zııatkerlik mektepterinde 300-den asa medıa eriktiniń basyn biriktirdi. Volonterlik tájirıbemdi odan ári shyńdaý maqsatynda «Jas Otan» jastar qanatynyń qataryna kirip, uıymnyń birqatar jobasyna belsene qatystym. Qazir elimizdiń ár aımaǵynda qazaq tilin meńgergisi keletin azamattarǵa tegin sabaqtar júrgizetin «Sóıle» tildesý klýbynyń múshesimin. Klýb «Meniń elim, meniń tilim» jobasy aıasynda ashyldy. Qazir qatysýshylar sany 500-den asty. Oǵan qosa qoǵamymyzda tileýlestik, meıirimdilik jáne janashyrlyq qasıetteriniń tereń tamyr jaıýyna úles qosý úshin «Ardagerleri ardaqtaıyq», «Kel, shaı isheıik», «Taza Like» syndy túrli áleýmettik jobada da belsendimin, – deıdi volonter.
Izgilikti serik etip, qoǵamǵa paıdasyn tıgizýdi maqsat tutqan jannyń biri – Gaýhar Jumaǵazıeva. Ol – «D.A.R» volonterlik klýbynyń úılestirýshisi. Uıym múmkindigi shekteýli jandarǵa demeý bolyp, balalar men jastardyń qoǵamǵa beıimdelýine járdem beredi.
– 17 jasymnan volonterlik isti qaldyrmaı kelemin. Munda men ózgelerdi qaıyrymdylyq jasaýǵa, eriktiliktiń qyr-syryn, mán-maǵynasyn túsinýine kómektesemin. О́ıtkeni qoǵamda volonterlik qozǵalys jaqsy damyǵanymen, onyń qyzmetin tereńinen túsine bermeıtinder kóp. Iаǵnı basym kópshiligi halyqtan qarjy jınaý, az qamtylǵan otbasylarǵa azyq-túligin aparyp tastasa boldy dep esepteıdi. Árıne, ol tusy da bar. Biraq kómektesken otbasylardyń jaǵdaıyn únemi baqylap, baǵdarlap otyrý, olardyń qalypty ómir súrip ketýine jaǵdaı jasaý sekildi qıyndyqtary da jetkilikti. Sondyqtan kóbine qatarymyzǵa qoǵamdyq kózqarasy qalyptasqan, kámelet jasynan asqan azamattardy qabyldaımyz. Búginde Ulttyq eriktiler jelisiniń bastaýymen «Samruk-Kazyna Trust» áleýmettik jobalardy damytý qorynyń demeýimen respýblıkalyq «Jeńis» jobasynyń Aqtóbe oblysy boıynsha úılestirýshisimin. Jalpy, bul jobada soǵys ardagerleri men tyl eńbekkerlerine kómek qolyn sozamyz, – dedi janashyr.
Nazerke Uzaqqalıeva 21 jasta. Volonterlikke zeıin qoıǵanyna 4 jyldan asqan. Búginde «Birgemiz: Saulyq» jobasynyń shaǵyn granttary aıasynda júzege asyrylyp jatqan «Kútim – saýlyq kepili» bastamasynyń jetekshisi.
– Joba aıasynda volonterlerdi iriktep, aldaǵy josparlardy talqylaý jumystary júrgizildi. Volonterler aýyr haldegi naýqastardyń kútimi boıynsha daǵdylardy úırenedi. Onyń ishinde, jaýyr jaralardyń aldyn alý, gıgıenalyq is-sharalardy júrgizý, psıhologııalyq kómek kórsetý, alǵashqy kómek kórsetý taqyryptarynda bilim aldy. Nátıjesinde, volonterler qaterli isikpen aýyratyndar men hospısterdegi naýqastarǵa kómek kórsete alatyndaı dárejege jetti. Semınar sońynda barlyq volonter arnaıy sertıfıkatpen marapattaldy. Volonterler onkodıspanserge barý arqyly medısınalyq tájirıbelik bilimin arttyryp, múmkindigi shekteýli jandardyń kútimimen aınalysty. Sonymen qatar joba kezinde naýqastarǵa arnalǵan gıgıenalyq kútimge arnalǵan zattar taratyldy. Qazir men «Medısına jastary» birlestigindemin. Komandada 250-ge jýyq volonter-medık bar. Ashylǵaly beri shamamen 16 myń adamǵa kómek kórsettik. 350-den asa áleýmettik mańyzy bar is-shara uıymdastyryldy. Bizdiń basty jetistigimiz – eldegi tótenshe jaǵdaılar ýaqytynda jaqsylyq jasaýdan tasa qalmaǵanymyz. Máselen, Arys qalasyndaǵy tótenshe jaǵdaı kezinde 110 erikti-dáriger halyq jınalatyn oryndarda alǵashqy medısınalyq kómek kórsetti. COVID-19 pandemııasyna baılanysty tótenshe jaǵdaı jarııalanǵan kezde bizdiń eriktiler dárigerlermen birge ýaqytsha aýrýhanalarda jumys istedi. Astana qalasyndaǵy «Amara» jekemenshik hospısyndaǵy 45 naýqasqa turaqty túrde 100-ge jýyq volonter medısınalyq kómek kórsetti. Atap aıtqanda, dári-dármekterin jetkizip, jeke gıgıenalyq sharalarǵa járdemdesti, psıhologııalyq keńes berip, áleýmettik kómek jasady. Budan bólek, jórgekter, tonometrler, tósek jamylǵylary syıǵa tartyldy, bólmelerdegi tazalyq sharalaryn jasaýǵa, ýaqytyly tósektik oryndardy aýystyrýǵa kómekterin tıgizdi. Negizi kez kelgen otandasymyz volonter bola alady. Tek nıet kerek. Mysaly, 2020 jyly elimizdiń 14 aımaǵynda medısınalyq eriktiler mektepterin ashyp, búkil el boıynsha 2 myńǵa jýyq volonter oqytyldy. Bul baǵyttaǵy ıgi is áli de jalǵasyp jatyr, – deıdi Nazerke Uzaqqalıeva.
Adam balasyn ıgi isterge bastaıtyn izgi júrektiń qalaýy – jaqsylyq. Sondyqtan qoǵamǵa paıdasyn tıgizýdi kózdeıtin volonterlerdiń qatary jyl saıyn artqany qýantady.