«ITTF fa20 Astana para open 2024» halyqaralyq týrnırine 19 elden 150-deı para sportshy qatysady. Atalǵan baıraqty báseke naýryz aıynyń 1-3 kúnderi aralyǵynda «add Table Tennis Center Astana» ústel tennısi ortalyǵynda ótedi, dep habarlaıdy Egemen.kz.
Ústel tennısinen Astana qalasynyń aǵa jattyqtyrýshysy Gennadıı Gerrasımenkonyń aıtýynsha, ITTF Fa20 Astana para open 2024 – halyqaralyq reıtıngte oryn alýǵa, sondaı-aq halyqaralyq klassıfıkasııasy joq sportshylar úshin halyqaralyq klassıfıkasııa alýǵa tamasha múmkindik.
«Mysaly, arbadaǵy sportshylarǵa 1-5 klass, tirek-qımyl apparaty zaqymdanǵan sportshylarǵa 6-10 klass, ıntellektýaldy múmkindikteri shekteýli sportshylarǵa 11 klass beriledi (onyń ishinde basqa sanattarǵa bólinedi). Bul týrnırge bizdiń sportshylar alty aı boıy daıyndaldy. Kúndelikti jattyǵýǵa 3 saǵat bólemiz, sonymen qatar jalpy dene shynyqtyrýǵa erekshe nazar aýdaramyz. Jattyǵý kezinde ár sportshyǵa jeke oıyn ádisi men tehnıkasy jasalady. Elimizde halyqaralyq jarystar ótip jatqanyna óte qýanyshtymyn. Sportshylarymyz jaqsy nátıjege qol jetkizetinine senimdimin», deıdi ol.