Qazaqstannyń 2022 jylǵy resmı statıstıkasynyń derekterine sáıkes elimizdiń árbir turǵyny jylyna keminde 78 kg et tutyndy, dep habarlaıdy Egemen.kz.
О́ńirler bólinisinde etti azyq-túlikke Jetisý, Aqmola jáne Almaty oblystarynyń turǵyndary (árqaısysy 93 kg.), et jáne et ónimderin Shymkent qalasynyń turǵyndary (53 kg.) jıi paıdalanady.
Economy telegram-arnasynyń málimetinshe, Mońǵolııada et tutynýdyń joǵary bolýy elde mal sharýashylyǵynyń óte damyǵandyǵymen baılanysty. Máselen, aýyl sharýashylyǵy sektory Mońǵolııanyń JIО́-niń 13%-in quraıdy jáne onda jumys kúshiniń úshten biri qamtylǵan. Mońǵolııanyń aýylsharýashylyq sektorynyń negizgi bóligin mal sharýashylyǵy alady (80%), al janýarlardan alynatyn ónimder eldiń ulttyq eksportynyń shamamen 10%-in quraıdy.
Mal men úı janýarlaryn sanaýdyń aldyn-ala nátıjeleri boıynsha 2022 jyly Mońǵolııada 71,1 mıllıon mal nemese bir turǵynǵa 21 janýar eseptelgen. Qazaqstanda bir turǵynǵa shaqqanda nebári 1,8 bas mal keledi.
Qazaqstan óńirleri bólinisinde mal sharýashylyǵynyń basym bóligi Túrkistan (18%), Jambyl (12%) jáne Almaty (10%) oblystarynda damyǵan, olar respýblıkanyń barlyq malynyń 40%-in quraıdy.
Qazaqstan men Mońǵolııanyń aýmaǵy klımaty jaǵynan uqsas jáne damý múmkindikteri men máseleleri birdeı. Alaıda, taldaý kórsetkendeı, Mońǵolııanyń mal sharýashylyǵy ónimderimen qamtamasyz etý deńgeıi Qazaqstannan edáýir asyp túsedi.
Mońǵolııa Prezıdenti 2022 jyly búkil el boıynsha «Azyq-túlikpen qamtamasyz etý jáne qaýipsizdik» jalpyulttyq qozǵalysyn bastaǵany málim, ol ekologııalyq taza azyq-túlik ónimderin eksporttaýǵa, mal densaýlyǵyn qoldaýǵa, taýarlardyń ónimdiligi men sapasyn arttyrýǵa, sondaı-aq eldiń ishki qajettilikterin keńinen qoldanylatyn 19 taǵam túrimen qanaǵattandyrýǵa baǵyttalǵan.