Prezıdent Qasym-Jomart Toqaev О́zbekstannyń syrtqy saıasat vedomstvosynyń basshysy Bahtııor Saıdovqa iltıpat bildire otyryp, qazaq-ózbek yntymaqtastyǵy barlyq salada qarqyndy damyp kele jatqanyn atap ótti. Onyń aıtýynsha, Qazaqstan baýyrlas О́zbekstanmen ózara qarym-qatynasty odan ári nyǵaıtýǵa basa mán beredi, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaev Shavkat Mırzııoevtiń ekijaqty baılanystardy tereńdetý isine eleýli úles qosyp otyrǵanyna toqtalyp, Qazaqstan óńir halyqtarynyń ıgiligi men ósip-órkendeýine baǵyttalǵan О́zbekstannyń bastamalaryn aldaǵy ýaqytta da qoldaýǵa daıyn ekenin jetkizdi.
Kezdesý barysynda saýda-ekonomıkalyq yqpaldastyqty keńeıtý máseleleri talqylandy. Eki eldiń damýyna tyń serpin beretin jańa baǵyttardy qarastyrý jáne ekijaqty taýar aınalymyn arttyrý mańyzdy ekeni aıtyldy.
Memleket basshysy kólik-tranzıt salasyndaǵy yntymaqtastyqty nyǵaıtýdyń máni zor ekenin atap ótti. Prezıdent Qazaqstannyń «Darbaza – Maqtaaral» temirjol jelisin salýǵa kiriskenin málimdedi. Bul joldy odan ári О́zbekstan shekarasyna jetkizý kózdelip otyr. Atalǵan temirjol baılanysy eki el arasyndaǵy júk tasymalynyń kólemin ulǵaıtýǵa múmkindik beredi. Qasym-Jomart Toqaev О́zbekstan tarapynyń Transkaspıı halyqaralyq kólik baǵdaryn damytý isine atsalysýy barlyq tarapqa tıimdi bolady dep sanaıdy.
О́z kezeginde Bahtııor Saıdov qurmet kórsetkeni úshin Memleket basshysyna alǵys aıtyp, О́zbekstan Prezıdentiniń izgi tilegin jetkizdi.
Mınıstrdiń aıtýynsha, eki el basshylary Qazaqstan men О́zbekstan arasyndaǵy odaqtastyq qarym-qatynasty nyǵaıtý úshin joǵary meje qoıyp otyr. Osyǵan oraı Bahtııor Saıdov buǵan deıin joǵary deńgeıde qol jetkizilgen ýaǵdalastyqtardy sapaly júzege asyrý jónindegi birlesken jumys josparyn baıandady.
Sonymen qatar kezdesý barysynda sý sharýashylyǵy salasyndaǵy yntymaqtastyq jáne Ortalyq Azııadaǵy óńirlik qaýipsizdikti qamtamasyz etý máseleleri talqylandy.
Budan bólek, aldaǵy ýaqytqa josparlanǵan ekijaqty jáne kópjaqty sıpattaǵy kezdesýler men is-sharalar kestesi qarastyryldy.