Astana qalasynyń para sportshysy Aısulý Súleımenova Dýbaı qalasynda ótken jeńil atletıkadan Dubai 2024 World Para Athletics Grand Prix 15th Fazza International Athletics Championships týrnırinde T62 klasy boıynsha sátti óner kórsetip, jeńis tuǵyrynan kórindi, dep habarlaıdy Egemen.kz elorda ákimdiginiń resmı saıtyna silteme jasap.
Aısulý Súleımenova baıraqty básekede máre syzyǵyn ekinshi bolyp kesip, halyqaralyq jarystyń kúmis júldegeri atandy. Bul onyń alǵashqy halyqaralyq jarysy.
«Jalpy jarys qıyn boldy. Biraq soǵan qaramastan bar kúshimdi salyp, jeńiske jetýge tyrystym. Bul meniń alǵashqy jarysym bolǵandyqtan, óte qýanyshtymyn. Aıtýly jeńis meniń ǵana emes, barsha komandanyń jeńisi dep sanaımyn. Ásirese, jeke bapkerim Aıgúl Arjanıkovaǵa sheksiz alǵysymdy bildiremin. Onymen birge kóp eńbektendik. Qoldaý bildirgen barlyq jandarǵa, qalalyq sport basqarmasyna jáne elorda sport mektebiniń ákimshiligine alǵysymdy aıtamyn», dedi para sportshy.
Búgin elordalyqtar Dýbaı qalasynan júldeli ekinshi oryn alǵan Aısulýdy halyqaralyq áýejaıdan qarsy aldy. Jankúıerleri men jaqyn dostary astanalyq para sportshyny qushaq jaıa qarsy alyp, erekshe qurmet kórsetti.