Almaty qalasy prokýratýrasynyń úılestirýimen osy jyldyń 15 qańtary men 15 aqpany aralyǵynda «IZDEÝ» jedel-aldyn-alý is-sharasy ótkizilip, izdeýde júrgen 84 qylmysker ustaldy, dep jazady Egemen.kz.
«8 aqpanda Almaty oblysy Baqanas aýylynda Bostandyq aýdany boıynsha Qytaı men Sıngapýr azamattaryna qaraqshylyq jasaǵany úshin izdeýde bolǵan kúdikti qolǵa tústi. Sondaı-aq ólimge ákelip soqqan adam densaýlyǵyna qasaqana aýyr zııan keltirgeni úshin 2010 jyldan beri izdeýdegi adam ustaldy.
Sonymen qatar megapolısten basqa óńirlerde izdestirilip jatqan 22 qylmysker qolǵa tússe, 17 habar-osharsyz ketken azamat anyqtalǵan», dep jazylǵan aqparatta.