Ekologııa jáne tabıǵı resýrstar mınıstri Erlan Nysanbaev Úkimet otyrysynda naýryzda aýa raıy qandaı bolatyny týraly aıtty, dep habarlaıdy Egemen.kz.
- Aqpannyń úshinshi onkúndiginde sınoptıkalyq boljam boıynsha, eldiń soltústik bóliginde aýa temperatýrasy túnde -5 gradýstan -15 gradýsqa deıin, kúndiz 0 gradýstan -7 gradýsqa deıin joǵarylaýy kútiledi. Onkúndiktiń ekinshi jartysynda aýa temperatýrasy -12 gradýstan -20 gradýsqa deıin, kúndiz -3 gradýstan -12 gradýsqa deıin tómendeıdi dep boljanady, - dedi mınıstr.
Naýryzdyń úshinshi onkúndiginde eldiń ońtústik bóliginde aýa temperatýrasy túnde 0 gradýstan, -8 gradýsqa deıin, kúndiz 0 gradýstan +8 gradýsqa deıin jylynady dep kúteledi. Onkúndiktiń sońynda aýa temperatýrasynyń túnde 0 gradýstan +8 gradýsqa deıin, kúndiz +5 gradýstan +15 gradýsqa deıin joǵarylaıdy dep aıtylǵan.
Nysanbaevtyń málimetinshe, eldiń basym bóliginde jaýyn-shashyn qar, eldiń ońtústiginde jańbyr, ylǵaldy qar túrindegi aýa raıf bolady dep kútilip otyr.