Qysy qatal Astanada qar tazalaý – qyrýar sharýa. Qala sharýashylyǵynyń tizginin ustap otyrǵandardyń jumysy da osy mezgilde qatty synalady. Al bul údeden shyǵý úshin kommýnaldyq qyzmet salasynyń jumysshylary aıanbaı ter tógedi.
О́tken túnde kommýnaldyq qyzmet mamandary qaladan 37,5 myń tekshe metr qar shyǵardy. Olar táýlik boıy birneshe aýysymda jumys isteıdi. 22 aqpan kúni tańerteń qar tazalaý jumystaryna 1,3 myńnan asa arnaıy tehnıka jáne 2,3 myńnan asa jol jumysshysy jumyldyryldy.
21 aqpannan 22 aqpanǵa qaraǵan túni elordadan 34 myń tekshe metrden asa qar shyǵaryldy. Bul 2,9 myń aýyr júk kóleminen asady. Buǵan qosa, qys basynan beri polıgondarǵa 367 myń reıs 5 mln tekshe metr qar jınady.
Sonymen qatar qala turǵyndarynyń qaýipsiz júrýi úshin joldarǵa, trotýarlar men kóshelerge qum-tuz qospasy sebiledi. Kommýnaldyq qyzmet mamandary muz basqan trotýarlardy qol kúshimen tazartyp shyqty.