Búgin saǵat 09:30-daǵy jaǵdaı boıynsha aýa raıynyń qolaısyzdyǵyna baılanysty 3 oblysta respýblıkalyq mańyzy bar 3 avtojolda barlyq kólik túrleri úshin qozǵalysqa shekteý engizildi, dep habarlaıdy Egemen.kz «QazAvtoJol» málimetine silteme jasap.
Jetisý oblysynda - jalpy uzyndyǵy 100 shaqyrymdy quraıtyn 1 avtojol (shekteýli kórinis, boran) «Úsharal-Dostyq» – Kóktýma beketinen Dostyq beketine deıin.
Qostanaı oblysynda – jalpy uzyndyǵy 83 shaqyrymdy quraıtyn 1 avtojol (Ulytaý oblysyndaǵy aýa raıynyń qolaısyzdyǵyna baılanysty) «Jezqazǵan-Petropavl» – Ulytaý oblysy shekarasynan-Arqalyq qalasyna deıin.
Ulytaý oblysynda – jalpy uzyndyǵy 115 shaqyrymdy quraıtyn 1 avtojolda (ekpindi jel, aýa temperatýrasynyń tómendeýi) «Jezqazǵan-Petropavl» – Ulytaý kentinen-Qostanaı oblysy shekarasyna deıin.
Qazirgi ýaqytta respýblıkalyq mańyzy bar avtojoldardy qysqy kútip – ustaýǵa 387 birlik tehnıka jáne 796 jolshy jumyldyrylǵan.