1 naýryzdan bastap elimiz biryńǵaı ýaqyt beldeýine kóshedi. Uıaly baılanys operatorlary elektrondy gadjetterde bul avtomatty túrde ózgeretinin habarlady, dep jazady Egemen.kz.
Qazaqstan turǵyndaryna keı uıaly servıs operatorlarynyń jumysynda aqaý bolýy múmkin ekeni eskertildi.
- Aqaý ǵana emes, bıllıng júıelerin aýystyrý boıynsha túnde de jumystar atqarylady, saldarynan, keı qyzmetterdiń jumysynda qysqa merzimdi úzilis týyndaýy múmkin. Abonentter túsinistik tanytady dep úmittenemiz. Operator osy ózgerister abonentterge barynsha yńǵaıly bolýy úshin bar kúshin salady, – dedi Tele2 baspasóz qyzmeti.
Activ/Kcell abonentterine de tehnıkalyq irkilis bolýy múmkin ekeni aıtyldy.
- Úkimettiń UTC + 5 ýaqyt beldeýine kóshý týraly qaýlysyna sáıkes 29 aqpan 23:00 (UTC +6) men 1 naýryz 06:00 (UTC +5) aralyǵynda tehnıkalyq jumystar júrgizilýine baılanysty qyzmet shektelýi múmkin. Bank, memlekettik qyzmetter jáne basqa da seriktester júrgizetin ýaqyt beldeýin ózgertý tehnıkalyq jumystary qosymsha servısterge áser etýi múmkin ekenin atap ótkimiz keledi", – dep málimdedi Activ baspasóz qyzmeti.
Mobıldik operatorlar jańa saǵat beldeýine aýysýǵa baılanysty tehnıkalyq jumystar saldarynan shekteý bolmaý úshin tarıfter tólemin aldyn ala tekserýge keńes beredi.