Búgin Almaty qalasynda estý qabileti zaqymdanǵan sportshylar arasynda ótetin XX qysqy Sýrdlımpıada oıyndaryna ulttyq quramany resmı shyǵaryp salý rásimi ótti, dep habarlaıdy Egemen.kz csp_parasport.kz málimetine silteme jasap.
Naýryzdyń 2-12 kúnderi aralyǵynda Túrkııanyń Erzýrým qalasynda ótetin dúbirli dodada 36 elden keletin 1000-ǵa jýyq sportshy arasynda taý shańǵysy, snoýbord, shańǵy jarysy, shahmat, fýtzal, kerlıngten 34 medal jıyntyǵy sarapqa salynady.
Oǵan Qazaqstan tarapynan shahmat, snoýbord, shańǵy jarysynan 26 sportshy qatysady.
Resmı shyǵaryp salý rásimi barysynda XX qysqy Sýrdlımpıada oıyndarynyń ashylý saltanatyna elimizdiń týyn ustap shyǵý mártebesi shahmattan álem chempıonatynyń qola júldegeri Sultan Qojahmetovke tapsyryldy. Sportshyǵa Qazaqstan týyn jazǵy Sıdneı olımpıadasynyń jeńimpazy Ermahan Ybraıymov tabystady.