QR Parlamenti Senatynyń depýtaty Bıbigúl Jeksenbaı Túrki memleketteri Parlamenttik Assambleıasynyń Quqyqtyq máseleler jáne halyqaralyq qatynastar jónindegi komıssııasynyń 11-shi otyrysyna qatysty, dep jazady Egemen.kz.
Senator ǵylymı-tehnıkalyq damý men zańnamalyq qamtamasyz etýdegi parlamentterdiń rólin talqylady. Sondaı-aq «Derbes derekterdi qorǵaý týraly» jáne «TúrkPA-ǵa múshe memleketterde turýǵa yqtııarhat berýdi ońaılatý týraly» úlgi zańdardyń jobalaryn túrki elderindegi áriptesterimen birge qarady.
Kezdesýge qatysýshylar sonymen qatar aldaǵy 12-shi komıssııa otyrysynyń «TúrkPA-ǵa múshe memleketterdegi ombýdsmen ınstıtýttary» taqyrybyndaǵy máseleleriniń ózektiligin talqylady.