Semeı qalasynda Qarjaýbaıuly kóshesindegi rettelmegen jaıaý júrginshiler ótkelinde 31 jastaǵy jaıaý júrginshini qaǵyp ketip, izin sýytqan júrgizýshi ustaldy. Oqıǵa saldarynan túrli jaraqat alǵan jergilikti turǵyn aýrýhanaǵa jetkizildi, dep jazady Egemen.kz.
Polısııa qyzmetkerleri oqıǵa ornynan kólik korpýsynyń synyqtaryn taýyp, sol arqyly qashyp ketken 20 jastaǵy oblys ortalyǵy turǵynynyń Toyota Estima kóligin anyqtaǵan.
«Júrgizýshi jol-kólik oqıǵasy bolǵan jerden qashyp ketkeni úshin jaýapqa tartyldy. Avtokólik sol kúni arnaıy avtoturaqqa qoıyldy. Dene jaraqatyn alý faktisi boıynsha sot-medısınalyq saraptama júrgiziledi. Fakt erekshe baqylaýǵa alyndy», dedi Abaı oblysy PD bastyǵy Bektóre Sultan.