Qýanyshty jańalyqty jastardyń ákesi, belgili qoǵam belsendisi Muhtar Taıjan jarııalady, dep habarlaıdy Egemen.kz.
«Kóp kisiler habarlasyp surap jatqannan keıin, ulym týraly shyǵyp jatqan jańalyqtardy qýana rastaımyn!
Sanjar atasynyń (meniń ákemniń) týǵan kúninde (08.03.) súıikti qyzyn Londonnan Parıjge arnaıy aparyp, úı bolý týraly usynysyn resmı jasady.
Biz - Taıjan otbasy buǵan óte qýanyshtymyz, sebebi Aınur bárimizdiń kóńilimizden ábden shyqty!
Iá, Fransııa prezıdenti Emmanýel Makron myrza olardy Eıfel munarasynyń mańaıynda kezdeısoq kezdestirip birinshi quttyqtady», delingen Muhtar Taıjannyń jazbasynda.
Aıta keteıik, bul beınejazba birneshe kún buryn áleýmettik jelige taraǵan edi. Jastarmen tildesken Makron olardyń qaı elden kelgenin surady.
Sanjar Taıjan Qazaqstannan kelgenin aıtty. Makron Qazaqstan Prezıdenti Qasym-Jomart Toqaevty tanıtynyn, kezdeskenin tilge tıek etti.