Naýryz meıramyna arnalǵan respýblıkalyq chellendj 20 naýryz kúni saǵat 12:00-de ótedi. Bundaı chellendj byltyr alǵash ret ótti. Bıyl da sondaı shara jalǵasady. Dombyra úni bir ýaqytta barlyq bilim berý uıymdarynda oınaıdy, dep jazady Egemen.kz.
«Dombyrashylar chellendjiniń maqsaty – balalar men jastardyń, muǵalimder men ata-analardyń mýzykadaǵy jetistikterin kórsetý jáne dombyrany dáripteý. Is-sharaǵa barlyq nıet bildirýshiler qatysa alady. Bul elimizdiń mádenı ómiri úshin eleýli oqıǵa. Sharalar «Birtutas tárbıe» baǵdarlamasy aıasynda ótkiziledi», deıdi tárbıe jumysy jáne qosymsha bilim berý departamentiniń dırektory Merýert Medetbekova.
Aıta ketsek, elimizdiń barlyq jalpy bilim beretin mektepterinde 14-23 kúnderi Naýryz meıramyna arnalǵan taqyryptyq chellendjder, jalpyulttyq ekologııalyq aksııa jáne ulttyq oıyndardan túrli jarystar uıymdastyrylady.