Atyraýda ótip jatqan Ulttyq quryltaıdyń úshinshi otyrysynda «qyz alyp qashý» máselesi kóterilip, bul áreket ulttyq dástúrge jatpaıytyny aıtyldy, dep habarlaıdy Egemen.kz.
«Elimizde qyz alyp qashýdy ulttyq dástúr sanap, el ishinde dáriptegisi keletinder bar. Bul – múldem aqtaýǵa bolmaıtyn zańsyzdyq, qarańǵylyq, tipti, masqara tirlik. О́rkenıetti qoǵamda ár azamattyń abyroıy, quqyǵy jáne bostandyǵy baǵa jetpes qundylyq bolýy kerek. Sondyqtan mundaı aqylǵa syımaıtyn áreketterdi qatań synǵa alý jetkiliksiz. Oǵan quqyqtyq baǵa berilip, birjola tosqaýyl qoıylýǵa tıis», dedi Prezıdent Qasym-Jomart Toqaev.
Sóz barysynda Memleket basshysy ata jolyn saqtaý maqsatynda ǵasyrlar boıy babalarymyz ustanǵan asyl dinimizdi saqtaýǵa shaqyrdy.
«Dástúrdiń ozyǵy bar, tozyǵy bar». Ata jolyn saqtaımyz desek, ǵasyrlar boıy babalarymyz ustanǵan asyl dinimizdi saqtaıyq. Dástúrli ıslam – halqymyzdyń ulttyq biregeıligin tanytatyn basty qundylyqtyń biri. Biz ony berik ustaný arqyly ekstremızmge jáne kertartpalyqqa qarsy tura alamyz. Jurtymyzdyń ózine ǵana tán ereksheligi bar. Biz osy mádenı kodymyzdy saqtap, babalar jolymen júrýimiz kerek», dep qadap aıtty Prezıdent.