Joǵarǵy Sot jáne «Ortalyq Azııadaǵy quqyqtyq memlekettilikke járdemdesý» atty Germanııanyń halyqaralyq yntymaqtastyq qoǵamy (GIZ) uıymdastyrýymen Almaty qalasynda «Ortalyq Azııadaǵy ákimshilik sot isi» atty ákimshilik ister boıynsha sýdıalarǵa arnalǵan VI aımaqtyq semınar ótip, barlyq oblystardan kelgen 50-ge jýyq sýdıa ákimshilik organdar qyzmetiniń quraldaryn: sot qorǵaýynyń shegi jáne erekshelikterin talqylady.
Joǵarǵy Ákimshilik ister jónindegi sot alqasynyń tóraǵasy Aslan Túkıev óz sózinde, ákimshilik isterdiń jyl saıyn kóbeıip kele jatqanyn, onyń basym bóligi turǵyn úı, salyq, jer daýlaryna qatysty ekenin atap ótti. Aıtýynsha, Memlekettik organdarǵa qatysty talap qoıýlardyń 60 paıyzdan astamy qanaǵattandyrylǵan.
Sondaı-aq ol memlekettik organdar arasyndaǵy daýlardy sheshý ókilettikterin Úkimetke berý týraly aıtyp ótti. Bul týraly Parlament Májilisi birinshi oqylymda maquldaǵan ákimshilik ádilet salasyn jetildirý jáne qoldaný aıasyn keńeıtý máseleleri jónindegi zań jobasynda aıtylǵan. Onda azamattyq hal aktileri jazbalarynyń durys belgilenbeýi týraly ister týraly daýlardy ákimshilik ádiletke berý APK-tiń 44-taraýy); normatıvtik quqyqtyq aktiniń zańdylyǵyn daýlaý týraly (APK-niń 30-taraýy) jáne t.b. qarastyrady.
Semınar barysynda Túrkimenstandaǵy GIZ jobasynyń jetekshisi Iorg Pýdelka, QR Joǵarǵy Sotynyń ÁIJSA-nyń tóraǵasy A.Túkıev jáne О́zbekstan Joǵarǵy Sotynyń sýdıasy Dılmýrod Karımov ákimshilik akt týraly aıtyp ótti.
Ákimshilik aktine shaǵymdanýdaǵy sot tártibi týraly Tájikstan Joǵarǵy sotynyń sýdıasy Salomat Hakımzoda, Germanııanyń ákimshilik sotynyń sýdıasy Danıel Deba, Qyrǵyzstan qalalyq soty tóraǵasynyń orynbasary Bolotbek Satybaldıev jáne Qazaqstandaǵy GIZ jobasynyń quramdas bóliginiń jetekshisi Almat Ǵabbasov sóz sóıledi.
Ákimshiliktiń keıbir aspektileri týraly О́zbekstannyń Sýdıalar joǵary mektebiniń ákimshilik quqyq kafedrasynyń meńgerýshisi Batyr Samarhodjaev, GIZ jobasynyń Tájikstandaǵy ulttyq úılestirýshisi Abýbakr Inomov, Túrkistan oblystyq sotynyń ákimshilik ister jónindegi sot alqasy tóraǵasynyń mindetin atqarýshy Aıda Baıtýrova men Qyrǵyzstannyń ákimshilik sotynyń sýdıasy Nazgúl Atakanova oılaryn ortaǵa salyp, mazmundy pikir almasty.
Semınar sońynda A.Túkıev Qazaqstandaǵy ákimshilik ádilet ınstıtýtynyń jumys istegenine salystyrmaly túrde kóp ýaqyt ótpese de, ol azamattardyń, bıznestiń zań ústemdigine degen qatynasyn qazirdiń ózinde ózgertip jatqanyn basa aıtty. Sondaı-aq ol sot tóreligin júzege asyrý sapasyn jaqsartý maqsatynda ashyq talqylaýǵa daıyn ekenin atap ótti.