Premer-mınıstr Oljas Bektenov Eýrazııalyq damý bankiniń basqarma tóraǵasy Nıkolaı Podgýzovpen ınvestısııalyq yntymaqtastyqty odan ári keńeıtý perspektıvalary boıynsha kezdesý ótkizdi, dep habarlaıdy Egemen.kz Úkimettiń baspasóz qyzmetine silteme jasap.
О́tken jyly EADB Qazaqstannyń ulttyq ekonomıkasynyń túrli sektorlaryndaǵy birqatar ınvestısııalyq jobany qarjylandyrdy. Olardyń qatarynda polıpropılen shyǵaratyn zaýyt, magıstraldyq teplovozdar satyp alý, Qostanaı oblysynda jel elektr stansııalaryn salý jáne t.b. bar.
Jyldyq ınvestısııalardaǵy Qazaqstannyń úlesi 2022 jylǵy 48,5%-dan 2023 jyly 59%-ǵa deıin ósti.
Bıyl EADB-nyń Qazaqstan ekonomıkasyna salǵan jańa ınvestısııalary keminde $1 mlrd-ty quraıdy. Osy jylǵa arnalǵan negizgi jobalar pýly kólik, ónerkásip, energetıka jáne qorshaǵan ortany jaqsartý, AО́K salalaryn, sondaı-aq áleýmettik ınfraqurylymdy júrgizý men jańǵyrtýdy qamtıdy.
Premer-mınıstr Memleket basshysynyń jol jelisin damytý, turǵyn úı qurylysy, TKSh-ny jańǵyrtý jáne gazdandyrý salasyndaǵy aýqymdy ınfraqurylymdyq bastamalaryn iske asyrýǵa ınvestısııalar tartýdyń mańyzdylyǵyn atap ótti.
«Banktiń basym baǵyty iri ınfraqurylymdyq jobalardy qarjylandyrý bolýǵa tıis. Biz ózara tıimdi negizde bankpen yntymaqtastyqty keńeıtýge daıynbyz», dedi Oljas Bektenov.
О́z kezeginde EADB basqarma tóraǵasy Nıkolaı Podgýzov qarjy ınstıtýtynyń turaqtylyǵy týraly habarlady. Atap aıtqanda, qabyldanǵan sharalardyń nátıjesinde EADB $125 mln mólsherinde qarjylyq oń nátıjege qol jetkizdi. Banktiń nesıelik reıtıngi Qazaqstannyń táýelsiz reıtıngi deńgeıinde saqtaldy: «BBB-» (S&P), sondaı-aq qytaı naryǵynda SSXI «AAA» eń joǵary reıtıngi alyndy. Sonymen qatar portfeldiń sapasy jaqsaryp, keshiktirilgen tólemderdiń úlesi tómendedi.
Kezdesýge qatysýshylar EADB jyldyq ınvestısııalaryndaǵy otandyq úlesiniń artqanyna toqtalyp, Banktiń ınvestısııalyq belsendiligin odan ári nyǵaıtý áleýetin atap ótti.