• RUB:
    6.68
  • USD:
    520.93
  • EUR:
    609.07
Basty saıtqa ótý
Qoǵam 27 Naýryz, 2024

Almaty oblysynda joǵalyp ketken qyzdy izdeý úshin kólden sý aǵyzylady

122 ret
kórsetildi

Almaty oblysynda 10 kún buryn joǵalyp ketken qyzdy izdeý úshin kólden sý aǵyzylady, dep habarlaıdy Egemen.kz KTK arnasyna silteme jasap.

Úsh jasar Aııa-Sofııa 17 naýryz kúni tústen keıin Kúsh aýylynda joǵalyp ketti. Ol úıden ózi jalǵyz shyǵyp ketip, qaıtyp oralmaǵan. Balanyń anasy onyń joǵalǵanyn sol kúni habarlady.

Polıseıler, qutqarýshylar, eriktiler, aýyl turǵyndary, tipti áskerıler birden qyzdy izdeýge shyqty. Osy ýaqyt ishinde izdeý aımaǵy aıtarlyqtaı keńeıdi. Oǵan qazir aýyldyń barlyq irgeles aýmaǵy men kórshiles aýyldyq okrýgterdiń sharýa qojalyqtary qosyldy.

Úsh jasar Aııa-Sofııany izdeý úshin tikushaq ta tartyldy. Sonymen qatar izdeý jumystaryna 25 ıt pen 10 atty top jumyldyryldy. Izdeý sharasyna barlyǵy 300-den astam adam jumylǵan.

«Qyz áli kúnge deıin tabylǵan joq. Eńbekshiqazaq oblysy Tótenshe jaǵdaılar mınıstrliginiń áskerı bólimshesi qyzdy izdeýdi jalǵastyryp jatyr. Izdeý jumystary qyz tabylǵanǵa deıin jalǵasady», dedi Baltabaı aýyldyq okrýginiń ákimi Sáýle Álipova.

Endi aýylda birneshe metr jerdegi kóldiń sýyn aǵyzbaqshy. Ol joǵalǵan qyzdyń úıiniń janynda ornalasqan. Biraq oǵan taǵy bir apta ketedi. Izdestirý jumystaryna tájirıbeli súńgýirler de qosyldy.