Sý tasqyny kezeńi bastalǵannan beri Túrkistan, Aqtóbe, Qostanaı, Batys Qazaqstan, Ulytaý, Abaı, Aqmola oblystarynda 4 694 adam, onyń ishinde 1 682 bala qutqaryldy. Bul rette áýe kemelerimen 447 adam, onyń ishinde 180 bala evakýasııalandy. Bul týraly Tótenshe jaǵdaı mınıstrliginiń baspasóz qyzmeti jarııalady, dep habarlaıdy Egemen.kz.
TJM jáne ákimdikterdiń kúshimen 2,3 mln m3 astam erigen sý alynǵan, 162 myńnan astam qapshyq jáne 31 587 tonna ınertti materıal tóselgen.
Avarııalyq-qutqarý jumystaryna 6349 adam, 2192 birlik tehnıka, 689 birlik sý aıdaý quraly jáne 55 birlik júzý quraly, TJM, Qorǵanys mınıstrligi, IIM, UQK, UU, jergilikti atqarýshy organdardyń 12 áýe kemesi jumyldyrylǵan.
«Jedel jeli» telefondaryna 392 qońyraý kelip tústi, elimizdiń 12 óńirinde respýblıkalyq jáne oblystyq jedel shtabtar jumys isteıdi.
Elimizdiń 7 óńirinde 435 jeke turǵyn úı men 329 aýla aýmaǵy, sondaı-aq Aqtóbe oblysynda 75 saıajaı úıi men 9 ǵımarat, kópqabatty turǵyn úılerdiń 12 aýlasy, Aqmola oblysynda balabaqsha men TJ aýrýhanasy sý astynda qalyp otyr.
18 avtojoldy sý shaıyp ketken, onyń ishinde 4 kópir jáne 14 jol tósemi bar. 26 eldi mekende kólik qatynasy joq.