Premer-mınıstr Oljas Bektenov TJM-niń Daǵdarystyq jaǵdaılarda basqarý ortalyǵynda Tótenshe jaǵdaılar mınıstriniń esebin tyńdady. Aýmaqtyq TJD-lar beınekonferensbaılanys rejıminde qosyldy, dep habarlaıdy Egemen.kz Úkimettiń baspasóz qyzmetine silteme jasap.
«Bul – sońǵy jyldardaǵy eń úlken sý tasqyny. Qazir bastysy – adam ómirin saqtap qalý jáne apat zardaptaryn azaıtý. Keıin jekelegen laýazymdy tulǵalardyń óz qyzmettik mindetterine salǵyrt qaraýynyń yqtımal faktilerin anyqtaý maqsatynda egjeı-tegjeıli tekserý júrgiziletin bolady. Bul máseleni Bas Prokýrormen talqyladym. Búginde barlyq kúsh sý tasqynyna qarsy jumystarǵa jumyldyryldy. Birinshi orynbasarym Roman Sklıar eń qatty zardap shekken óńirlerde júr», dedi Premer-mınıstr.
Úkimet basshysy sondaı-aq soltústik óńirlerde de sý basý qaýpi bar ekenin atap ótti. Buǵan deıin Soltústik Qazaqstan oblysyndaǵy sý toraptarynyń jaǵdaıy tekserilgen bolatyn. TJM basshylyǵyna elimizdiń barlyq óńirindegi jumystarǵa baqylaýdy kúsheıtý tapsyryldy.