Búgin Astanada aýdanaralyq qylmystyq ister jónindegi sotta Qaırat Satybaldyulyna qatysty basty sot otyrysy bastaldy, dep jazady Egemen.kz.
Bul joly Qaırat Satybaldyuly qylmystyq jolmen alynǵan aqshany zańdastyrý (jylystatý) úshin aıyptalyp otyr. Degenmen, Qaırat Satybaldyulynyń ózi sot zalynda joq. Ol proseske onlaın qosylýy kerek edi, biraq tehnıkalyq aqaýlarǵa baılanysty bul múmkin bolmady. Osyǵan baılanysty sot prosesi kútpegen jerden toqtatylyp, úzilis jarııalandy.
Aıta keteıik, Qaırat Satybaldyuly Qylmystyq kodekstiń birqatar baby boıynsha qylmystyq is qozǵalyp, kináli dep tanylǵan bolatyn. Sot úkimine saı onyń múlki tárkilenip, 10 jyl merzimge memlekettik qyzmette jáne ulttyq kompanııalarda laýazymdardy atqarý quqyǵynan aıyrý jáne alty jylǵa bas bostandyǵynan aıyrý jazasy kesildi. Dáleldengen aıyptardyń ishinde «Qazaqtelekom» AQ-ǵa 12 mıllıard teńgeden astam somaǵa materıaldyq shyǵyn keltirý jáne «Kólikke qyzmet kórsetý ortalyǵy» AQ múlkin jymqyrý faktileri bar.