Astanada Qonaev kóshesi arqyly «Astana Opera» memlekettik opera jáne balet teatrynyń janyndaǵy jer ústi jaıaý júrginshiler ótkeli ýaqytsha jabyldy, dep jazady Egemen.kz elorda ákimdiginiń baspasóz qyzmetine silteme jasap.
Jaıaý júrginshiler kópirin rekonstrýksııalaý jónindegi jumystardy júrgizýge baılanysty osy jyldyń 5 sáýirinen bastap atalǵan kópir boıynsha jaıaý júrginshiler úshin qozǵalys tolyǵymen jabylady, sondaı-aq demontajdaý jumystary kezeńinde Qonaev kóshesiniń Qabanbaı batyr dańǵylynan Turan dańǵylyna deıingi jol bóligi jabylady.
Marshrýttardyń qozǵalys syzbalaryn ózgertý týraly «City Transportation Systems» JShS resmı saıtynda (cts.gov.kz), Facebook jáne Instagram áleýmettik jelilerinde tanysýǵa bolady.
Aıta ketsek, bıyl elordada jalpy uzyndyǵy 60 km bolatyn 50-den astam kóshege jóndeý júrgizý josparlanyp otyr:
Táshenev kóshesi Respýblıka dańǵylynan Amman kóshesine deıin; B. Momyshuly dańǵyly Táýelsizdik dańǵylynan Qoshqarbaev dańǵylyna deıin; Q. Muńaıtpasov kóshesi Táýelsizdik dańǵylynan M. Jumabaev kóshesine deıin; Tilendıev dańǵyly Q. Kúmisbekov kóshesinen Aqan seri kóshesine deıin; Turan dańǵyly Kereı Jánibek handar kóshesinen Juldyz aınalymyna deıin (2023 jyly Turan dańǵyly boıynsha Tulpar kópirinen Saraıshyq kóshesine deıingi ýchaskede jol jumystary júrgizildi); Kenesary kóshesi E. Brýsılovskıı kóshesinen A. Sembınov kóshesine deıin; Saraıshyq kóshesi Túrkistan kóshesinen Turan dańǵylyna deıin; Saryarqa dańǵyly T. Shevchenko kóshesinen Abaı dańǵylyna deıin; Qaraótkel kópiri Kólik aıryǵynan Qabanbaı batyr dańǵylyna deıin jáne t. b.Sondaı-aq qalanyń 200 kóshesinde shuńqyrlardy jóndeý jáne jol belgilerin qoıý jumystaryn bastaý josparlanyp otyr.