Qonaev qalasynyń ákimi Nurlan Qumataev qyzmetinen ketti, dep habarlaıdy Egemen.kz.
Aqparatty Almaty oblysy ákiminiń baspasóz hatshysy rastady. Resmı derekterge sáıkes, Nurlan Qumataev 2024 jyldyń 28 naýryzynda Qonaev qalasynyń ákimi qyzmetinen óz ótinishimen ketken.
«Ol basshylyq kezinde birneshe mańyzdy ınfraqurylymdyq jobalardy júzege asyrdy. Mysaly, qazandyqty mazýtqa emes, tabıǵı gazǵa kóshirý, ystyq sýmen qamtý sııaqty jumystardy júrgizdi. Onynshy shaǵyn aýdandy abattandyrý jumystaryn, mektep pen turǵyn úılerdiń qurylysyn bastady. Sonymen qatar, ol «Ardager» jáne «Samal» shaǵyn aýdandarynda da jobalar júzege asyrydy. Nurlan Qumataevtyń jetekshiligimen jylý jelileri jańartyldy, uńǵymalar ıgerildi, sýarý jelileri qaıta jańǵyrtyldy jáne kárizdik sorǵy stansalary jańartyldy», dedi ákimdiktiń baspasóz qyzmeti.