Qala ákimdigi 2024 jyldyń 26 naýryzynan bastap qala aýmaǵynda qardyń qarqyndy erýi saldarynan jeke sektorlardy jappaı sý basqanyn málimdedi
«Káriz kollektorlary men sýaǵarlarǵa túsetin júktemeniń artýyna baılanysty, Abaı kóshesi boıyndaǵy kollektor isten shyqqan edi. Saldarynan turǵyndardyń qalypty tynys-tirshiligi buzylyp, birneshe turǵyn úı sý astynda qaldy. Avarııalyq jaǵdaıdy joıý jáne turǵyndarǵa keltirilgen shyǵyndy mınımızasııalaý maqsatynda qala ákiminiń sheshimimen 2024 jyly 4 sáýirden bastap Petropavl qalasynyń aýmaǵynda jergilikti aýqymdaǵy tabıǵı sıpattaǵy TJ rejımi jarııalanady», delingen qala ákimdigi taratqan habarlamada.