Qazir ózin UQK qyzmetkeri retinde tanystyratyn telefon alaıaqtary kóbeıip ketti. Bul týraly Ulttyq qaýipsizdik komıteti habarlap, halyqty saq bolýǵa shaqyrdy, dep habarlaıdy Egemen.kz.
Qaskúnemder aqshany zańsyz ıelenbek nıette qarjylyq operasııalardy júrgizýge azamattardan kómek suraıdy.
«UQK qyzmetkerleriniń qyzmettik mindetterin oryndaý sheńberinde azamattarǵa kredıt resimdeýdi, aqsha qarajatyn aýdarýdy jáne ózge de qarjy operasııalaryn jasaýdy usynýǵa ókilettigi joq», delingen habarlamada.
Kúdikti telefon qońyraýlary men habarlamalar kelip túsken kezde birden polısııa organdaryna júginý kerek.